كود كازا ///

علمت “كود” من مصادر مطلعة ان محافظ عين السبع فكازا تبع القانون فنقل الملكية من مجلس المدينة لشركة عقارية “بافيلا” .

حسب مصادر “كود” فالشركة دعات مجلس المدينة وتحكم ابتدائيا واستئنافيا ودازت حتى فالنقض. من بعد، اضافت مصادر “كود”، مشات الشركة باش تحفظ وترفض ليها، ودعات المحافظ ياش ينفذ وخرج حكم فهاد الشي

وكان الحسين نصر الله نائب عمدة الدار البيضاء، المكلف بالممتلكات والشؤون القانونية، انسحب اليوم من لجنة التعمير فمجلس المدينة.

الانسحاب كان على واتساب يتاهمو بللي عندو دور فتفويت عقار ديال مجلس المدينة كاين بعين السبع فكازا لشركة اسمها “بافيلا ”

هاد الشركة دارت مشروع عقاري وكانت مساحة خضرا استرجعاتها المدينة واليوم كلشي تفاجأ باللي رجعات باسم هاد الشركة

الفضيحة هو كيفاش يوقع هاد الشي وهادي ايام وزير الداخلية لفتيت عبد الوافي قال فالبرلمان باللي اللي خذا شي ميترو من الجماعة او غيرها يرجعو

دابا خاصنا نعرفو شكون مول العقار وكيفاش رجعو وشكون داعمو وعلاش كلشي سكت