الرئيسية > آش واقع > كازا غاتبدا تخدم بالتيستات السراع ديال كورونا.. إنشاء وحدة للاختبار كاتفحص 70 واحد فالساعة
07/04/2020 09:30 آش واقع

كازا غاتبدا تخدم بالتيستات السراع ديال كورونا.. إنشاء وحدة للاختبار كاتفحص 70 واحد فالساعة

كازا غاتبدا تخدم بالتيستات السراع ديال كورونا.. إنشاء وحدة للاختبار كاتفحص 70 واحد فالساعة

عفراء علوي محمدي- كود// تصوير – ايس برس //

لي تيست السراع ديال فيروس كورونا المستجد اللي وصلو للمغرب من كوريا ودول خرا غادي يبداو يخدمو بيهم دابا.

مجموعة من المنتجين الفنيين، بإشراف المندوبية الجهوية للصحة فكازا، جهزو وحدة إختبارية حدا مستشفى مولاي يوسف، باش يتخفف الضغط اللي كتعرفو المستشفيات اللي كايجيو ليها بزاف ديال الناس يديرو التحاليل، وباش يدار هذ التيست لأكبر عدد من الناس المشتبه فإصابتهم بالفيروس.

هذ الوحدة، اللي كتبلغ المساحة ديالها 800 متر مربع وتم تجهيزها بكافة تدابير السلامة الصحية والوقائية، غاتقلب أكثر من 70 شخص فساعة وحدة، غاتبدا تستقبل الناس ابتداء من السيمانة الجاية.

وفالقريب غيتم اعتماد وحدات اختبارية بحال هذي فمدن أخرى، وخصوصا اللي كتشهد إصابة عدد كبير من الحالات بالفيروس.

موضوعات أخرى