أميمة عطية كود  ـ كازا ///

قدرات عناصر الشرطة القضائية بدرب السلطان فالدار البيضاء، اليوم الاربعاء، توقف الشخص اللي دار ضجة من بعدما خرج الفيديو ديالو وتنشرات صورك ديال ف ” كود “وتنشرو صورو وهو كيشفر تيلفون فحي عبدالله الصنهاجي ففيروج بمنطقة لفدا درب سلطان البارح الثلاثاء، وهي الحادثة اللي توثقات وانتشرات بشكل كبير فمواقع التواصل.

وحسب ما أكداتو مصادر خاصة بـ“كود”، تم تحديد مكان المشتبه فيه وتم توقيفو بسرعة بمنطقة سيدي معروف، فكازا مباشرة من بعد تفاعل البوليس مع الفيديو من بعد نهار واحد على الواقعة.

وفهاد السياق، غادي يتوضع الموقوف تحت تدابير لحراسة النظرية، بأمر من النيابة العامة المختصة، من أجل تعميق البحث والكشف على جميع ظروف وملابسات القضية، واحتمال تورطه فحوادث أخرى مشابهة.

الحادثة كتجي فإطار تفاعل أمني سريع مع الفيديوهات المنتشرة، بالكاميرات سواء ديال الفيروجات والأحياء ديال كازا أو ديال طوموبيلات ولمارة او غيرها، لي كتساهم فتحديد هوية المشتبه فيهم والتحري وإلقاء القبض عليهم في وقت وجيز.