أنس العمري -كود///

غتبدا عملية هدم الأوطيل الكازاوي الشهير “مرحبا”، اللي كاين فشارع الجيش الملكي، فالـ 21 من أكتوبر الجاري.

ومن المنتظر تمتد هاد العملية لخمسة أشهر، بوتيرة هدم حددت في طابق واحد في كل أسبوع، وفق ما كشفه مصدر مطلع.

وقد برمج باش تدار بلاصة هاد الأوطيل جردة على مساحة حددت في 3 آلاف متر مربع، خصص لتشييدها مبلغ واصل لـ 25 مليون درهم. وهو ما سيوفر مساحة خضراء جديدة ومكان للاسترخاء لسكان الحي.