اسماء غربي – كود////
المديرة التنفيذية اللي شدات اكبر bonus فبلجيكا مغربية.
وشدات الهام قادري اللي تزادت فكازا وعندها الجنسية الفرنسية والمغربية، وهي رئيسة شركة Syensqo (الفرع السابق لشركة Solvay) ومقرها فبروكسل، على أكثر من 25 مليون اورو مكافآت فعامين، وهذا مبلغ قياسي فبلجيكا.
وحسب وسائل إعلام بلجيكية ، فإن المديرة التنفيذية شدات صالير إجمالي د 33.2 مليون اورو، بما في ذلك المكافآت، و وغاتبقى فالبوسط ديالها حتى نهاية 2026.
الصالير اللي كتشدو قادري فايت ديال ملك فيليب.
وفاش كانت قادري PDF د شركة Solvay، ومن بعد زلزال الحوز، عطات 300 الف اورو للضحايا باش تعاونهم. وهي من اكبر المساهمات الاجنبية .
إلهام قادري، تزادت فكازا ف 14 فبراير 1969 وقرات فالمدرسة د الدولة، ورباتها جدتها.
وخدات الدكتورا من المدرسة الأوربية للكيمياء و البوليمرات والمواد (ECPM) بستراسبورگ، وخدمات فشركات كبرى بحال (Shell) و(Dow Chemical)، قبل ماتولي بيدي جي د شركة سولفاي ف 2019.
