كود سبور//

أكد كارلوس كاريدو مدرب الوداد الرياضي أن الفريق جاهز لماتش سيمبا التنزاني في إياب ربع نهائي عصبة أبطال إفريقيا لكرة القدم، وأن الحمرا غتدخل تربح باش تتأهل.

وتحدت كارلوس كاريدو، خلال الندوة الصحافية اللي كتسبق ماتش الوداد الرياضي وسيمبا التنزاني، وقال: ماتش الذهاب ما لعبناش مزيان، ودابا فماتش الروتور غلعبو بطريقتنا، فماتش غدا خاصنا نثيقو فرويسنا ونلعبو مزيان دفاعيا وهجوميا”.

وكمل مدرب الوداد وقال: “الأهم فماتش غدا هو نربحو ونتأهلو، وفرحانين حيث غنلعبو فالتيران ديالنا وقدام جمهورنا وحنا محتاجين الدعم ديالهم باش نربحو ونتأهلو”.