كود – تطوان///
البارح الخميس كانت تطوان غادي تعرف كارثة بسبب اندلاع النيران في محرك حافلة للنقل الحضري تابعة لشركة “فيتاليس”، ما تسبب حالة من الرعب والهلع في نفوس الركاب اللي هربو بسرعة.
هاد الطوبيس كيف قالت مصادر “كود” كان غادي يمشي لمرتيل، قبل متشعل فيه العافية بسبب الحالة الكارثية اللي كيعرفها أسطول النقل الحضري فتطوان، وكشفت باللي هاد الكارثة وقعات أيام قليلة من وفاة شي مرا أثناء انقلاب حافلة تابعة لنفس الشركة.
