الرئيسية > آش واقع > كارثة قطار بوقنادل كانت غادي تعاود حدا فاس
06/03/2019 12:20 آش واقع

كارثة قطار بوقنادل كانت غادي تعاود حدا فاس

كارثة  قطار بوقنادل كانت غادي تعاود حدا فاس

عمـر المزيـن – مكتب الرباط//

فاجعة انقلاب قطار بوقنادل اللي ماتو فيها عدد من المسافرين وتصابو عدد من الجرحى كانت غادي تتكرر قبل قليل من زوال اليوم الأربعاء قرب مدينة فاس. وحسب مصادر محلية، لـ”كود”، فإن السريع رقم “122” اللّي خرج من فاس مع 12و35 دقيقة كان قريب يتقلب بالمسافرين اللي فيه.

وقال عدد من المسافرين، في اتصال مع “كود”، أن القطار اللي خرج من فاس وغادي لكازا كان غادي يخرج من السكة ديالو، بعدما دهس 3 ديال المعزات، مضيفين أن التران مني قتل  المعزات كان غادي يخرج على السكة، بعدما دار فران مجهد وريحة الشياط تطلقات وكولشي خاف.

مصادر “كود” قالت على أن التران واصل الرحلة ديالو، ومني وصل لمكناس جاو عدد من التقنيين يوشوفو الوضعية ديال التران، قبل أن يواصل الرحلة بشكل عادي.

موضوعات أخرى