وكالات //

توفّاو 72 نمر فـجوج ديال المنتزهات ديال الحياة البرّية فإقليم شيانغ ماي فشمال تايلاند، وهاد الشي كيتعتابر أكبر كارثة ديال وفاة جماعية للنمور تسجّلات فالبلاد، حسب تقرير للمكتب الجهوي ديال المناطق المحمية رقم 16.

فمنتزه Tiger Kingdom Mae Taeng ماتُو 51 نمر، وفـ Tiger Kingdom Mae Rim ماتُو 21 نمر. إدارة Mae Rim قرّرات تسدّ المنتزه مؤقتًا لمدة 14 يوم باش يديرو التحقيقات ويعرفو السبب.

وأبانت التحاليل اللّولى اللي دارتها كلية الطب البيطري فـجامعة شيانغ ماي بلّي النمور كانوا مصابين بفيروس ديال “الحصبة الكلبية” (CDV)  وبواحد البكتيريا سميتها “الميكوبلازما”، وهاد التّجميع ديال العدوى هو اللي زاد عقّد الحالة وخلّاها خطيرة بزاف. وزادت الاختبارات اللّولى ديال وزارة الفلاحة/الثروة الحيوانية فتايلاند بيّنت حتى وجود فيروس “بارفو ديال القطط‘‘.