مصطفى المزابي-كود سطات //

سوق شطيبة الشعبي لي معروف فمدينة سطات صبح اليوم كيشكل كارثة بيئية خاصة مع ارتفاع درجة الحرارة، والصور الحصرية لي حصلات عليها “كود”، تتبين بللي وسط هاذ الوضع حس المسؤولية منعادم عند صحاب تدبير الشأن المحلي لي ما مسوقينش لوضعية السوق، وزعم  راه البلدية متعاقدة مع شركة ديال النظافة للي كتدي زبالة ديال الفلوس من ميزانية الجماعة بلا ما دير الواجبات ديالها.

وأكد مصدر “كود” أن الأزبال صبحات كثيرة ومتناثرة ف كل بلاصة داخل هاذ السوق الشعبي، لي كي قصدوه كاع سطاتيين، ف المظهر ديال الزبل كيبعث على الاشمئزاز والتقزز، ومع ارتفاع درجات الحرارة كتولي مصدر لروائح كريهة تزكم أنوف المارة، وصبحات مرتع خصب لجحافل الذبان والناموس والحشرات الضارة للي كتزعج راحة الساكنة، ولي تقدر تتسبب ليهم ف أمراض جلدية وتنفسية وغيرها.

ف من العيب أن تكون مدينة عاصمة جهة الشاوية سابقا (سطات)كتغرق في الأزبال والأوحال، وهو ما يعطي انطباعا سيئا عن نظافة المدينة، بحكم أن أول ما يقع عليه بصر الوافدين عليها من الزوار هو انتشار النفايات والتي غالبا ما تفرز عصير أزبال تكاد رائحته تخنق أنفاس هؤلاء السكان والزوار على السواء.

دبا راه المدينة غاديا تتطور والمجلس البلدي لي كتقودو الاستقلالية نادية والباشا ديال الحريات ممسوقينش لهاذ الشي لي خلا واحد السخط كبير عند الناس لي تتوافد على هذا السوق الشعبي ولي طالبات بمحاسبة هذا المسؤولين وحتا الشركة ديال الزبل.