وكالات//

حديقة حيوانات فـ نيوزيلندا اضطرّات تدير “القتل الرحيم” لجوج ديال الأسود اللي عندها، ولكن مازال كاين “بصيص ديال الأمل” بالنسبة لخمسة أسود آخرين، حسب ما قالت محمية كامو للحياة البرية اليوم الخميس.

المحمية تسدّات حيث ما بقاتش عندها الفلوس الكافية باش تكمل النشاط ديالها، وزيد عليها أنه كان من المستحيل ينقلو الحيوانات لمكان آخر، حيت الأسود كبار فالعمر وحالتهم الصحية ضعيفة بزاف.

وكانت الحديقة علنات نهار الثلاثاء اللي فات باللي غادي يتم إعدام آخر سبعة أسود فالمحمية اللي كاينة شمال أوكلاند، قبل ما يسالي هاد الأسبوع.

من جهة أخرى، جانيت فالانس، اللي كتشرف على تسيير المحمية، كتبات فـ”فيسبوك”: “ما بقا حتى خيار حقيقي” قدّام الحيوانات اللي أعمارها ما بين 18 و21 عام.

وزادت وقالت باللي الأربعاء دارو القتل الرحيم لجوج ديال الأسود، حيث كانت حالتهم الصحية خطيرة بزاف وما كانش ممكن يتعالجو.

ومع ذلك، البارح الخميس بان “بصيص ديال الأمل” بالنسبة للأسود الخمسة اللي بقاو، على حسب ما كتبات فالانس.