ݣود – وكالات//

الكارثة مازال كتكبر فنيبال والتبت، بعدما الفيضانات دات على الأقل 750 واحد، و3000  مازالين غابرين، حسب حصيلة مؤقتة.

فنيبال، السلطات علنات موت 734 واحد وفقدان 2498 آخرين، كيف قالت الصين بلي 16 لواحد ماتو و546 مازالين متلقاوش، ومن بين المفقودين فالتبت 261 براني، و104 نيبالي و49 هندي، و33 من لاتفيا، و18 مريكاني و15 بريطاني.

وحتى لدابا، قدرات فرق الإنقاذ تعتق من 3700 واحد، الكارثة ضربات بقوة مناطق فيها مشاريع كبيرة للطاقة الكهرومائية.

هيئة تدبير الكوارث النيبالية قالت بلي 933 خدام فمجال الطاقة الكهرومائية مودرين عاد لي كيتعلقو فالجبال وحجاج هندوس كانو غاديين لجبل كايلاش المقدس فالتبت.