وكالات//
قالت وزارة النقل ديال كوريا الجنوبية، ان جوج الصنادق الاسودين ديال الطيارة “جيجو اير” لي تخطمات نهار 29 ديسمبر لي فات، وقفو على التسجيل غير 4 الدقائق قبل الكارثة.
وكاين فهاد جوج الصنادق التسجيلات وكاع المعلومات لي عندهم علاقة بهاد الكارثة لي وقعات في مطار موان الدولي في كوريا الجنوبية، وتسبب في الموت ديال 179 واحد، على حساب مقالت وكالة “رويترز”.
وكايجي هادشي واخا قالت السلطات ديال البلاد في وقت سابق بانها خرجات معلومات أولية من مسجل الصوت ديال القمرة دالقيادة..
وقعات الكارثة فين نحارفات الطيارة وهي من طراز بوينغ 737-800 على مدرج الهبوط وهي تدخل في صور وشعلات فيها العاقية.
وولاو الناس كيصوفو هاد الكارثة بأنها اخيب كارثة جوية في التاريخ ديال البلاد كلو.