گود سبور//

قرر الفرنسي باتريس كارتيرون مدرب الفريق الأحمر، تعزيز الطاقم ديالو بإطار ودادي خدام فالوداد دابا نيت.

وكايتعلق الأمر بعيد اللطيف نصير مدرب ليسبوار ديال الوداد الرياضي، واللي انضم للطاقم التقني د المدرب باتريس كارتيرون المشرف على تدريب الفريق الاول.

وباغي باتريس كارتيرون من هاد الخطوة، يستغل تجربة عبد اللطيف نصير فالوداد والبطولة الاحترافية باش تعاونو يخرج الفريق من مسلسل النتائج الإيجابية، ويعاونو كثر على اللاعبين بحكم المسار ديالو كلاعب يالاه مدة قصيرة باش علق الصباط فالوداد بعدما دار كاريير كبيرة مع الحمرا وربح فيها القاب.

وديما مع الوداد الرياضي، فعرفت صفوف الفريق الأحمر رجوع النجم الاول ديالو حكيم زياش، اللي تدارب اليوم الاثنين مع الگروب، بعدما غان مسافر لهولندا يبدل الجول لايام حيث كان موعت، ودابا راه برا ورجع يتريني وكايوجد مع الوداد الماتش الجاي ضد الكوكب المراكشي ضمن الدورة 16 من البطولة.