وكالات//

تأثرات واحد المقدمة تلفزيونية ميريكانية فقناة “إم إن بي سي” بالشهادة ديال واحد الطبيب ميريكاني عاد راجع من قطاع غزة والسبب هو واحد الكادو من دري صغير فلسطيني.

وقال هاد الطبيب الجراح لي كان خدام مع الفريق ديالو فواحد السبيطار فغزة، أن الأوضاع لي كتعيشها غزة ميمكنش أبدا لشي واحد يتصورها.

وقاليها تخيلي معايا أن مليون ديال البشر مكدسين فبلاصة صغيرة ومالقاو لا ماياكلو ولا مايشربو والصوارخ والقنابل عليهم من السما.

ولكن لي أثر بزاف فالصحافية الميريكانية هو الكادو لي وراه ليها الطبيب عطاه ليه واحد الدري الصغير من غزة، وكاتب فيه “من غزة بكل حب”.