وكالات //

كايعاني راجل نيوزيلندي، سميتو “روجر هايوارد” (Roger Hayward) وعندو 54 عام، من مرض نادر هو الحساسية ديال الما وهادشي اللي منع عليه يعوم أو يدوش ملي كان في عمرو 18 عام.

في هاد 40 عام الراجل ماكيقدرش يعوم ولا يمس الما لأنه بمجرد يمسو كاتشدو الحكة.

وقال روجر لموقع (“The New Zealand Herald “NZherald) المحلي أنه كايعاني من حساسية ضد الما، غير كاتمسو قطرة فـ الجسد ديالو كاتشدو حكة خايبة، وبسباب هادشي ما كايقدرش يدوش.

السيد حاول يجرب أنواع كثيرة من الكريمات والصابون باش يعاون راسو لكن حتى حاجة ماقضات فيه.

وزاد كايقول: “مع الوقت، ولفت هاد الحالة بلا دوش، ولكنني كانحاول ديما نغسل أجزاء الجسد ديالي اللي كاتحتاج النظافة”.

من بعد هاد السنوات الطويلة قدر أنه يتحكم في المرض ويعرف كيفاش ينظف راسو شويا بشويا وكايحاول ينسا هاد المشكل.