كود – كازا ///

اخترع الكاتب والصحافي الهولندي جوريس فان أوس (51 عام) شخصية شابة مغربية لإثارة اهتمام الناشرين بالمقالات والروايات ديالو، حسب ما نشرات جورنالات هولندية.

وحسب المصدر ذاته، مني كان الصحافي كينشر بالاسم ديالو، كان كيواجه غير الرفض، لكن مني عرض رواية باسم شخصية مغربية، كان جميع الناشرين مهتمين بيه وكيديرو عليه الصف.

وتسبب اعترافه لـ “Het Financieele Dagblad” ف إثارة ضجة كبيرة ف تجارة الكتب والروايات، وخاصة عندما نشرات دي تليخراف أيضًا القصة وأجرت مقابلة مع فان أوس.

وصرح الكاتب المذكور أن الفكرة جاتو بعد الهضرة اللي سمع ف حفل أحد الناشرين حول أن المهاجرين هما الموضة السائدة. وجرب يرسل مقالات ب الاسم ديالو للصحف، لكن ترفضات، وغير وقعها باسم الشابة المغربية تنشرات..