هناء ابو علي-كود//

انتقد كاتب هندي ف صحيفة “فاينانشل اكسبريس” الحكومة الهندية حيث المغرب سبقها ف  الحصول على التيجيفي “Don’t rub your eyes! Africa’s Morocco has got a bullet train even before India” بلا ماتحكو عينيكم، يعني راه مكتحلموش المغرب عندو قطار سريع وسبق حتى الهند ”

الكاتب “ديفانجا ناكَ “قال المغرب دشن التيجفي وبذلك يكون اول بلد افريقي يحصل عليه و سبق حتى الهند اللي سنوات وهي تسنا هاد المشروع.

واضاف القطار السريع  بين مومباي و مدينة احمد اباد و اللي دشنو الوزير الاول نرندرا مودي مع  رئيس الوزراء الياباني  مزال معطل.

للاشارة هاد الكاتب كايقصد ان الهند هي شبه قارة و اكبر مساحة من المغرب و حتى اقتصاديا اقوى و عندها تاريخ ف شبكة القطارات و خبرة ف تشغيلها من عهد الاستعمار الانجليزي و مزال مادارتش القطار السريع باش تفك شوية الضغط على القطارات العادية اللي يوميا كايتسعمولها الملايين من الهنود.