الرئيسية > كود سبور > كابيتان كندا: خاصنا نربحو المغرب وغادي نلعبو باش ناخدو 3 النقاط
28/11/2022 13:25 كود سبور

كابيتان كندا: خاصنا نربحو المغرب وغادي نلعبو باش ناخدو 3 النقاط

كابيتان كندا: خاصنا نربحو المغرب وغادي نلعبو باش ناخدو 3 النقاط

كود سبور//

أكد الكابيتان أتيبا هوتشينسون ديال منتخب كندا بلي هو وصحابو باغيين يدخلو الماتش ضد المغرب نهار الخميس الجاي، فالجولة الثالثة من كأس العالم قطر 2022، باش يربحو ويخرجو بوجهم حمر من بعدما تقصاو من البطولة.

واعتبر أتيبا هوتشينسون الماتش ما بين منتخب كندا والمغرب فرصة باش يخرجو براسهم مرفوع قدام الجمهور الكندي وقال فتصريح له: “خاصنا نخرجو من الماتش الجاي ضد المنتخب المغربي بنتيجة إيجابية ونربحو باش ناخدو 3 النقاط حيث كايتسنانا جمهور وخاصنا نساليو البطولة بشي حاجة مزيانة”.

وخرج منتخب كندا كن كأس العالم قطر 2022، بصفة رسمية حيث عندو 0 نقطة من 2 ماتشات خسرهم مع كرواتيا البارح وقبل منها مع بلجيكا، وكيحتل المركز الأخير فالمجموعة 6 اللي كيتصدرها المغرب ومع كرواتيا برصيد 4 مع امتياز لمودرتش وصحابو وكتجي بلجيكا فالمركز الثالث برصيد 3 النقاط.

للإشارة فالمنتخب الوطني المغربي حتى غادي يبغي يبرح كندا ولو أن التعاظل كافيه باش يتأهل، ولكن الرباح غادي يخليه يتكاليفا على رأس المجموعة وبلاما يتسنا شي مفاجأة.

موضوعات أخرى

03/02/2023 07:00

خفظي باي باي من الباطرونا بسباب التنوعير والقوالب لي مورط فيها مولاه النعمة ميارة

03/02/2023 02:00

الصحافة رجعات لقصة مدرسة الأيتام لي خلقات البوز.. 16 يوم والتلاميذ كيضحكو بلاما يحبسو

02/02/2023 21:42

الاجتماع الـ12 رفيع المستوى بين المغرب وإسبانيا خرج بتوقيع اتفاقيات تعاون في هاد المجالات