كود سبور//

واصل فريق نهضة بركان البداية ديالو الموفقة فگروبات كأس الكونفدرالية الإفريقية، وقدر يرجع برباح مهم من جنوب إفريقيا عزز به صدارتو للمجموعة 2.

وربحو نهضة بركان فريق ستيلينبوش الجنوب إفريقي فالماتش اللي سالا بين الفريقين قبل لحظات بمدينة دربان الجنوب افريقية، وسالا الماتش بنتيجة 3 لزيرو لمصلحة الفريق المغربي، وماركا الهدفين الاول والثاني يوسف الزغودي فالدقيقة 5، والدقيقة 25، ورضا حجي زاد الهدف الثالث فالدقيقة 83.

وبهذا الرباح عزز نهضة بركان وصيف بطل النسخة الماضي، ومن أبرز المرشحين للتتويج بلقب هذه النسخة، (عزز) الصدارة ديالو للمجموعة 2، ورفع الرصيد ديالو إلى 6 نقاط، في انتظار نتيجة ماتش الملعب المالي مول الـ3 نقاط ضد لواندا سول الأونگولي اللي عندو صفر نقطة، بحال ستيلينبوش الجنوب إفريقي.