الرئيسية > كود سبور > كأس الكاف.. بركان ربح وتأهل بلا الجعواني والبراكنة فرحانين بالسكتيوي
29/09/2019 07:30 كود سبور

كأس الكاف.. بركان ربح وتأهل بلا الجعواني والبراكنة فرحانين بالسكتيوي

كأس الكاف.. بركان ربح وتأهل بلا الجعواني والبراكنة فرحانين بالسكتيوي

مصطفى الشاذلي – كود سبور//

نجح نهضة بركان في ضمان ورقة العبور إلى الدور القادم من مسابقة كأس الاتحاد الإفريقي لكرة القدم، بعدما ربح أشانتي گولد الغاني بجوج لزيرو فالماتش، لي جمع الفريقين البارح السبت بالملعب البلدي ببركان في إياب الدور التمهيدي الأول.

نهضة بركان كان خاصو يربح باش يدوز للدوزيام تور، بعد الخسارة ديالو فغانا بثلاثة لجوج قبل أسبوعين، ونجح فمهمتو، بعدما سجل هدف مبكر فالدقيقة 30 بواسطة البوركينابي يوسوفا دايو.

هاد الهدف أعطى حافز للغاية باش يزيدو يماركيو الثاني من رجل زيد كروش، بعدما سدد خارج منطقة العمليات فالدقيقة 45.

الجولة الثانية تبوردو فيها البراكنة غير الأهداف لي ما ماركاوش، تحكموا فالماتش وكان بإمكانه التسجيل، خصوصا بواسطة زيد كروش، الذي ضيع فرصة سهلة.

طارق السكتيوي، لي تعاقد معاه الفريق البركاني بلاصت منير الجعواني، كان هو الرابح الكبير، لأنه حقق اول فوز ديالو مع بركان وفماتش مهم.

السكتيوي تلقى التهاني بعد الماتش من مسؤولين ولاعبين وحتى من الجمهور.

موضوعات أخرى