كود سبور//

غايجي مجسم كأس العالم للمنتخبات 2026، اللي غاتنظمو المريكان مع كندا والمكسيك، (غايجي) للمغرب ضمن واحد الدورة عالمية.

وغايجي مجسم كأس العالم غدا الجمعة للمغرب، بتنسيق بين واحد السبونسور والاتحاد الدولي لكرة القدم “الفيفا”، وهاذ الشي داخل في الجولة العالمية الترويجية لهاذ الحدث الرياضي الكبير اللي مازال ليه غير عام تقريبا ويبدا.

وسبق للاتحاد الدولي لكرة القدم والرعاة ديالو التجاريين وجابو مجسم كاس العالم 2022 للمغرب، وهذا الشي ضمن الترويج للمسابقة.

وغايتنظم كأس العالم 2026 ف نسخة كتعد هي الأكبر من حيث عدد المنتخبات المشاركة والملاعب المستضيفة.