گود سبور//

خالقة نسخة كاس أفريقيا 2027، جدل كبير مرة بسبب المخاوف من أن الدول بثلاثة كينيا وتنزانيا وأوگندا اللي واخدين استضافة البطولة، ما واجدينش وهاذ الشي قبل أقل من عام موعد بدايتها.

وواخا التطمينات اللي عطى رئيس الاتحاد الإفريقي لكرة القدم، باتريس موتسيبي، كشفت جريدة “لوموند” الفرنسية، أن الوضع على أرض الواقع مختلف بخصوص التحضيرات لكاس إفريقيا 2027، وأن الاستعدادات ثقيلة فالدول بثلاثة وهذا الشي كايزيد يخلي المخاوف تكبر، لدرجة أن الكاف بدا الاتصالات ديالو مع دول اخرى كاحتياط توقف شي حاجة.

ونقلت شبكة “RMC” الفرنسية عن مسؤول داخل الاتحاد الإفريقي لكرة القدم، تصريح قال فيه أنهم خاصهم يتحركو دغيا وما يتسناوش الزيارة التفتيشية الثانية فشهر يناير الجاي”، ولكن فنفس الوقت قال إن كاين فالكاف اللي مازال ثايقين فالملف الثلاثي ديال كينيا وتنزانيا وأوگندا، وأنه إلى وقعت شي حاجة راه مصر اللي قطعت أشواط باش تنظم كاس إفريقيا 2028، تقدر تاخذ تنظيم نسخة 2027.