گود سبور//

تأهل المنتخب الوطني المغربي لكرة القدم النسوي لفينال كاس إفريقيا د العيالات، بعدما غلب فالدومي فينال بصعوبة منتخب غانا اليوم الثلاثاء فالتيران الأولمبي فالرباط.

وسالا الوقت الاصلي من الماتش بنتيجة التعادل الايجابي واحد لواحد بين المغرب وغانا، وماركاو الغانيات هما الاولين فالشوط الاول، عاد ماركات سكينة وزراوي هدف التعادل للمنتخب المغربي فالشوط الثاني، وبقات النتيجة كما هي حتى سالا الوقت الاصلي ومن بعدها مشاو المنتخبان بجوج للأشواط الإضافية اللي بقاو فيها معادلين 1-1، ولعبو البنالتيات اللي ربحوها المغربيات بنتيجة 4-2.

وبهذه النتيجة تأتهل المنتخب الوطني المغربي لفينال كاس افريقيا للعيالات “المغرب 2024”، وغايلعبو اللبؤات ضد نيجيريا اللي تأهلو بعدما ربحو جنوب إفريقيا حاملة اللقب بنتيجة 2-1، والفينال غايكون يوم السبت الجاي.