كود -وكالات//

فمصر تم الإعلان فـ 22 أبريل 2026 على اكتشاف تمثال أثري كبير فمحافظة الشرقية، وسط موقع تل فرعون، السلطات المصرية قالت باللي الكتاب كيرجع الملك الفرعوني رمسيس الثاني، واحد من أقوى ملوك مصر القديمة.

التمثال كان ناقص من لتحت يعني حدا الرجلين والقاع لي ما بقاشو، ولكن الجزء اللي باقي منه كيبين ملامح ملكية باينة، أما طولو واصل تقريبا 2.20 متر، وكيوزن ما بين 5 حتى 6 طن.

المسؤولين ديال الآثار قالو إن هاد الاكتشاف مهم حيث كيعطي فكرة على الحياة الدينية والسياسية فـشرق الدلتا فيام الدولة الحديثة، وكيعاون الباحثين يفهمو كيفاش كانت التماثيل الملكية كتهز وكتعاود تستعمل فمناطق اخرى من بكري .

باش يحافظو عليه، تنقا التمثال مباشرة لديبو متحفي فين غادي يدخلوه لعمليات ترميم دقيقة باش يرجعوه لأفضل حالة ممكنة قبل مايتعرض، هاد الاكتشاف كيزيد يعزز الاهتمام بتاريخ مصر القديمة وبالخصوص إرث الفراعنة.