الرئيسية > آش واقع > قيامة 2021 فالصحرا. وهبي جا للعيون ومعول على عائلات الجماني وادبدا.. وحزب البام كيبقى أرنب سباق وها علاش
06/06/2021 13:30 آش واقع

قيامة 2021 فالصحرا. وهبي جا للعيون ومعول على عائلات الجماني وادبدا.. وحزب البام كيبقى أرنب سباق وها علاش

قيامة 2021 فالصحرا. وهبي جا للعيون ومعول على عائلات الجماني وادبدا.. وحزب البام كيبقى أرنب سباق وها علاش

عالي الصافي – كود //

حل بمدينة العيون الاثنين العام لحزب الأصالة والمعاصرة عبد اللطيف وهبي، ومعاه مجموعة من القيادات داخل حزب التراكتور وذلك لعقد لقاء حزبي فالعيون وآخر فالسمارة.

وهبي استقبلوا كل من محمد سالم الجماني ومحمد ادبدا وسيدي صلوح الإدريسي، ودار معاهم اجتماع بحيث كيعول عليهم وهبي لجلب مقاعد في الإنتخابات القادمة قيامة 2021.


المتتبعون للشأن المحلي، ماكيراهنوش على حزب التراكتور فالإستحقاقات القادمة، بسبب الإنقسام لي كاين داخل عائلة أهل الجماني، لي كيعول عليها الحزب بنسبة كبيرة، وذلك لتفرق العائلة على عدة احزاب، محمد سالم الجماني مع البام، وميد الجماني مع الاحرار، وصلوح الجماني فالحركة الشعبية، وخا كلهم فمدينة ولكن تاثير الانقسام كبير.

أما بالنسبة للأسماء الأخرى لي كيعول عليها البام فالصحرا، مثل عائلة ادبدا فبوجدور، وسيدي صلوح الإدريسي فالسمارة، تبقى ضعيفة ويقدرو ايكونوا ارانب سباق فقط، مقارنة مع أحزاب الإستقلال بقيادة ولد الرشيد، والأحرار بقيادة محمد عياش، لي غادي تكون المنافسة القادمة بيناتهم سخونة، بالإضافة الى احزاب أخرى مثل الاتحاد الاشتراكي والبيجيدي بمنافسة اقل.

موضوعات أخرى