الرئيسية > آش واقع > قيادي فالبي جي دي لـ”كود”: اللي دارو فريقنا ف”المستشارين” تخربيقة كتسيء لينا والاحرار عندهم الحق 
07/12/2019 10:30 آش واقع

قيادي فالبي جي دي لـ”كود”: اللي دارو فريقنا ف”المستشارين” تخربيقة كتسيء لينا والاحرار عندهم الحق 

قيادي فالبي جي دي لـ”كود”: اللي دارو فريقنا ف”المستشارين” تخربيقة كتسيء لينا والاحرار عندهم الحق 

كود هناء ابو علي ////

قال قيادي من حزب العدالة والتنمية في تصريح ل”كود” ان ما قام به فريق الحزب في مجلس المستشارين بعد امتناعه عن التصويت على المادة 9 من قانون المالية “تخربيق وغادي يدخل الحزب فتشويش ما محتاجهمش وكيسيء لصورتنا”.

المصدر اكد ل”كود” ان فريق “الاحرار” بخصوص هاد الموقف “عندو الحق يدير هاداك البيان ينتاقد فيه “دوبل لونگاج”.

المصدر قال ل”كود” راهم دارونا فمشكل كبير. كيفاش فريق الحزب فمجلس النواب كيدير تعديلات وكيصوت وكيجي فريقنا فمجلس المستشارين وكيدير “اللا موقف” ما عارض ما وافق. المصدر اكد ل”كود” انه في مجلس النواب كان اعضاء الفريق على اتصال مع قيادة الحزب ودارت اللي قالها ليهم.

وفق مصدر اخر ل”كود” فان الثلاثي الشيخي وحامي الدين والعبادي هما اللي مارسو ضغط كبير باش يمتانعو. المصدر قال ل”كود” ان هادو التاقطو المشاداة اللي كانت فالمجلس الحكومي بين مصطفى الرميد وزير الدولة المكلف بالمجتمع المدني وحقوق الانسان وبين وزير الداخلية عبد الوافي لفتيت بخصوص هاد المادة وناضو دارو مداخلات قوية ضد قانون المالية. غير هو اثناء المناقشة مع وزير المالية والاقتصاد محمد بنشعبون السبت اللي فات ما دخلوش ما ناقشوش وهاد الشي علاش الامتناع عن التصويت.

موضوعات أخرى