كود سعيد الشاوي ///
بعد أشهر من توقيع ميثاق الشرف بين أحزاب التحالف الحكومي المكونة للأغلبية والذي توج بنسج تحالفات جهوية وجماعية ، وبعد كل التوافقات بين أحزاب التجمع الوطني للأحرار والأصالة والمعاصرة والإستقلال، حيث تتحمل الأحزاب الثلاثة تسيير وتدبير مجموعة من مجالس الجهات والجماعات والمقاطعات، لازالت مقاطعة عين الشق ومدينة الدارالبيضاء تشكلان الإستثناء.
شفيق عبد الحق احد ملايرية التراكتور داير القلق. ما رضاش تمشي منو رئاسة جماعة عين الشق.
مجلس الجماعة والمقاطعة على إيقاع العراقيل والمشاكل بسبب سلوكاتو هو مراتو اللي حطوها نائبة لعمدة الدار البيضاء.
حسب مصادر “كود” فحزب التراكتور عيى من تصرفاتو واضافت المصادر ل”كود” ان المساعي باش تقاد الامور ويحتارم قرارات الحزب فشلات٬ وباللي غاديين يطبقو بنود التحالف الثلاثي وميثاق الشرف. هاد الشي يعني يجريو عليه.
حسب مصادر “كود” تتوجه قيادة البام لاخراج الكارط روج ضد هاد البرلماني بسبب عدم انضباطو. طبعا الطرد غادي يكون حتى من نصيب مراتو.
هاد البرلماني وفق مصادر “كود” تحالف مع طاشرون فدار بوعزة داير حرب مع وزير الداخلية عبد الوافي لفتيت. بجوجهم ولاو متخصين فضرب ناس حزبو اولا ثم ناس باقي الاحزاب.
