الرئيسية > آش واقع > قوالب “لارام”.. اللي فايت شرا البيي بالغلا ماغادي يمشي فـ الرحلة اللي كانت مبرمجة عندو.. ها شنو خاصو يدير
15/06/2021 15:30 آش واقع

قوالب “لارام”.. اللي فايت شرا البيي بالغلا ماغادي يمشي فـ الرحلة اللي كانت مبرمجة عندو.. ها شنو خاصو يدير

قوالب “لارام”.. اللي فايت شرا البيي بالغلا ماغادي يمشي فـ الرحلة اللي كانت مبرمجة عندو.. ها شنو خاصو يدير

أحمد الطيب – كود – الرباط //

الخطوط الملكية المغربية هاد الصباح علنات على أن اللي كان شرا التذاكر هادي مدة بأثمنة غالية غادي يمكن ليه يبدلهوم.

تحرك “لارام” جاء بعد التعليمات الملكية اللي كانت صريحة ودعات إلى تسهيل عملية ولوج مغاربة الخارج لبلدهم بأثمنة معقولة.

“لارام” حسب مصادر “كَود” بقات مقولبة الناس. ووفق ما كشف عنه مسؤول بشركة للأسفار فإن اللي كان شاري شي تذكرة وداير التاريخ وقتاش يسافر راه مايمكنلوش يمشي فالتاريخ اللي كان عندو.

وقال المصدر لـ”كَود” أن المسافرين المعنيين خاصهم يحجزو التذاكر من جديد ويساينو الرحلات اللي غادي تكون خاوية. يعني يقدرو يساينو أسبوع أو أسبوعين أو حتى شهر، يضيف مصدر “كَود”.

وكان بيان صادر عن شركة الخطوط الملكية المغربية قد أوضح أن “مجموع التذاكر الصادرة إلى حدود 13 يونيو ستستفيد من تعويض قيمة التذكرة على شكل قسيمة يمكن استغلالها في وقت لاحق في إطار رحلات الشركة، صالحة لمدة 12 شهرا وقابلة للإسترداد نقدا عند انتهاء صلاحيتها”.

موضوعات أخرى