الرئيسية > آش واقع > قوارب الموت هزات صورة المغرب كدام العالم. موجة الحريك الجماعي بينات البلاد بحالي واقعة فيها شي مصيبة
12/09/2018 10:02 آش واقع

قوارب الموت هزات صورة المغرب كدام العالم. موجة الحريك الجماعي بينات البلاد بحالي واقعة فيها شي مصيبة

قوارب الموت هزات صورة المغرب كدام العالم. موجة الحريك الجماعي بينات البلاد بحالي واقعة فيها شي مصيبة

أنس العمري – كود///

صورة المغرب تهزات مزيان فالعالم هاد الأيام. المملكة ولات كتظهر فصورة مشابهة للبلدان الإفريقية اللي كتعيش حروب أهلية أو ترزح تحت وطأة مجاعة طاحنة، بسبب موجة الهجرة الجماعية للشباب نحو أوروبا.

ففي الأسابيع الأخيرة سجل تصاعد مخيف في الحريك نحو أوروبا، انطلاقا من عدد من شواطئ المغرب، إذ تشير تقديرات مصادر مختلفة، كما تظهر فيديوهات وثقت لبعض هذ العمليات، أن المئات من الشباب، خاصة من الشمال، حركو، أخيرا، لإسبانيا.

هاد الفيديوهات، وبعد تداولها في مواقع التواصل الاجتماعي، خلقات حالة صدمة، وخلات العديد يطرحون تساؤلات حول آش واقع في البلاد حتى خلا هاد العدد الكبير من المغاربة ينزحو بهاد الطريقة، بحالي كانو غير مشدودين، في وقت لم تمر سوى فترة قصيرة على خطاب العرش، اللي وصا فيه الملك على الشباب، وطلب الجميع ياخود بيديه ويستعجل الإجراءات باش تفتح قدامو سوق الشغل ويعيش بكرامة.

موضوعات أخرى