كود عن اي 24 نيوز ////

المغرب وعد يرسل قوات لغزة فاطار مبادرة طلقها الرئيس الميريكاني دونالد ترامب. حسب “اي 24 نيوز” الاسرائيلية فقوات الاستقرار الدولية فيها 5 الاف جندي من اندونيسيا بالاضافة لجنود من المغرب وكازاخستان والبانيا وكوسوفو، غادية تبدا خدمتها شهر ماي الجاي ولكن قبل غادية دير تدريبات تحضيرية فالاردن وتزور اسرائيل.

حسب نفس القناة فان الهيئة البث الرسمية ما غادياش تكون فكاع مناطق غزة. فاللولة تبدا من جنوب غزة فرفح. هاد المنطقة اللي تكلفات الامارات العربية المتحدة باش تبنيها.

من بعد رفح هاد القوات غادية تتوسع فما يسمى فمناطق الخط الاحمر.

رويترز هدرات على تهديد الحرب على ايران على خطة ترامب. هاد الحرب تقدر تأخرها شوية

لا اسرائيل ولا المغرب ولا السلطات الفلسطينية ولا امريكا كشفات على عدد الجنود لمغاربة المشاركين فهاد القوات .

هاد القوات دورها بالتنسيق مع الفلسطينيين. وكان وزير الخارجية بوريطة اكد فاجتماع مجلس السلام للي طلقو ترامب، باللي المغرب مستاعد لنشر “قوات أمن وشرطة وضباط رفيعي المستوى في قطاع غزة” و”انشاء مستشفى ميداني” والمشاركة فبرامج “لمكافحة الكراهية” و”الدعوة للتعايش”.

واكد ف19 فبراير الاخير بواشنظن بحضور ترامب على اهمية ملكية الفلسطينيين لمؤسساتهم وباللي بلادنا خدام فجهود الاستقرار فغزة للتوصل لحل على اساسو اقامة دولتين: فلسطين واسرائيل