الرئيسية > تبركيك > قهوى فسيدي رحال الشاطئ فيها الشيشة والنشاط.. وبنادم كيمشي ويجي مكاين لا كورونا لا أوميكرون غير خلص وعيش الحياة
06/01/2022 14:00 تبركيك

قهوى فسيدي رحال الشاطئ فيها الشيشة والنشاط.. وبنادم كيمشي ويجي مكاين لا كورونا لا أوميكرون غير خلص وعيش الحياة

قهوى فسيدي رحال الشاطئ فيها الشيشة والنشاط.. وبنادم كيمشي ويجي مكاين لا كورونا لا أوميكرون غير خلص وعيش الحياة

كود كازا ///

تحولات منطقة سيدي رحال الشاطئ، لقبلة البيضاويين، اللي لقاو فيها راحتهم، القضية ماشي على الفيلات اللي كتكرا للقصاير نهار وليل، اللا، القضية كتعلق بقهوة مفتوحة للعموم حتى نص الليل، فيها الشيشة والموسيقى والنشاط.

الغريب أن هاد القهوة كيتسمع صداعها من برا، وخدامة على مرأى ومسمع من السلطات من غشت، وولات مشهورة عند البيضاويين اللي كيمشيو ليها يوميا، حتى ولات كتعمر وخاصك تريزيرفي إلى بغيتي تگلس فيها.

طبعا هي مختلطة بحال جميع الفضاءات، وكتخدم بنهار والليل، واللي جا يخلص، على عينيك يا بن عدي.

دابا الداخلية خاصها تطلق اللعب، حيت التجربة ديال سيدي رحال الشاطئ ناجحة، وبنادم كيمشي ويجي مكاين لا كورونا لا أوميكرون، كاين غير خلص وعيش الحياة.

بحال هاد السلوكات كايخليوك تشكك فالقرارات ديال الحكومة، واش عامة ومجردة ولا كاينين نافذين كيخرقوها عاين باين، أو أن دهن السير يسير كايعطل القوانين؟. خاصنا جواب باش يتطلق اللعب لكولشي.

موضوعات أخرى

20/01/2022 11:00

هاجر الريسوني كتدافع على عمها عبر مونت كارلو الدولية. گالت ان شروط المحاكمة العادلة ما توفراتش وخاص استدعاء الخادمة المنزلية والهدف من القضايا الجنسية هو “قتل سمعة الصحافي”