وكالات//

دارت قميجة بيضة من ماركة الأزياء الفاخرة Vetements جدل كبير فمواقع التواصل الاجتماعي، من بعد ما تطرح للبيع بثمن 1139 دولار، ومطبوع عليه تصميم كيشبّه آثار حريق ديال المكواة فوق جيب الصدر.

هاد التصميم، اللي معروف باسم “قميص أبيض برسومات حرق المكواة”، كيبان بحال إلى القماش تحرق بالمكواة، ولكن الماركة أكّدات باللي هاد الشي مقصود فالتصميم.

بزاف ديال الناس شافو الثمن مبالغ فيه بزاف بالنسبة لقميجة بسيطة، ودارت تعليقات ساخرة فالإنترنت، بحال: “مّيتي دارتو ليا ببلاش”، ’’غادي نقول حرّقت قميص راجلي وشريتو من هاد الماركة”.