الرئيسية > آش واقع > قليلة فحقو.. ابتدائية أكادير حكمات على السائح الكويتي لي شرمل بنت حدا اوطيل “صحراء” بـ8 شهور د الحبس وألف درهم غرامة
13/09/2022 09:30 آش واقع

قليلة فحقو.. ابتدائية أكادير حكمات على السائح الكويتي لي شرمل بنت حدا اوطيل “صحراء” بـ8 شهور د الحبس وألف درهم غرامة

قليلة فحقو.. ابتدائية أكادير حكمات على السائح الكويتي لي شرمل بنت حدا اوطيل “صحراء” بـ8 شهور د الحبس وألف درهم غرامة

كود اكادير //

أكدت مصادر لـ”گود” ان الكويتي لي تعدا على 3 د البنات وشرمل وحدة منهوم بسلاح ابيض قدام اوطيل صحراء فشارع محمد الخامس وسط اكادير وسافطها للمستعجلات حكمو عليه ب 8 شهور دالحبس النافذ و 1000 درهم غرامة.

وجاء هذا الحكم الصادر عن ابتدائية أكادير يوم امس الاثنين، بعدما قررت النيابة العامة الاستماع إلى المتهم الكويتي.

وكانت “گود” سولات السفارة الكويتية لي تهربات من الجواب وعطا وعد بانه غادي تتاصل حول الموضوع، مع العلم ان السفارة ديما كدافع على مواطنيها فالمغرب سواء كان متهمين بالاغتصاب أو اي حاجة أخرى.

الكويتي لي عندو 33 عام كان تعدى على 3 البنات كثر من سيمانة هادي وقررات النيابة العامة فالمحكمة ديال اكادير تابعو في حالة اعتقال حيث تسافط للسجن المحلي فأيت ملول قبل مايتحكم عليه دابا.

موضوعات أخرى

01/10/2022 13:21

من بعد الروينة ديال البارح.. ناس البولفار: كنعتاذرو من كلشي والحب ديال الموسيقى والايمان ديالنا بالشباب ماكاينش لي غادي يزعزعو