وكالات//

مكينش شي واحد لي مكيهضرش هاد الأيام في العاصمة المصرية القاهرة على خبار الانتحار، بعدما كثرات عليهم مؤخرا في الصحافة ديال البلاد.

ولي زاد من هاد القضية هو أن بزاف منهم ولاو كيفضلو أنهم ينتاحرو في واد النيل في العاصمة.

واليوم الاثنين، فاقو عاوتاني المصريين على خبار أن واحد الشاب رما راسو من فوق واحد القنطرة في الجزرة على واد النيل ولقاوه ميت غرقا.

وحل البوليس أونكيط باش يعرفو شنو واقع بالضبط، وطلبات النيابة العامة أنها تفرغ كاع الكاميرات لي كلنين في البلاصة باش يشوفو شنو وقع.

التحقيقات الأولى كتقول أن الشاب مفايه حتى اعراض ديال الضرب وأن الموت ديالو كانت نتيجة ديال غرق.

ونهر الأربعاء لي فات، مات واحد السيد آخر في الخمسينات من عمرو بعدما نتاحر من نفس القنطرة.