كود الرباط//

لبارح فلقاء الأغلبية لي حضرو فيه زعماء الأحزاب السياسية الثلاثة (الأحرار، الاستقلال، البام) فالمنصة الرئيسية، أمين عام البام عبد اللطيف وهبي لي مسير اللقاء قال بلي محمد جودار الأمين العام لحزب الاتحاد الدستوري حتى هو فالأغلبية وخصنا نعطيوه حقيبة وزارية.

قفشات وهبي مسالاتش هنا، وقال على نزار بركة وزير التجهيز والماء بلي فاش كيتاصل به كيلقاه مشغول بالماء، مضيفا: “بركة مدوز العطلة فالماء”، وزاد وقال بلي يلا كان الماء فالقمر نزار غايفكر كيفاش يجيبو.