وكالات//

قاضية في محكمة كريتاي في ضواحي باريس اتهمات حراك جزائري، حاكمة عليه المحكمة من قبل بالترحيل، بالاعتداء عليها ومحاولة اغتصابها.

القاضية لي في أواخر العشرينيات قالت إن الحراك سبق وحكمات عليه المحكمة باش يرجع لبلادو، وصادر في حقو قرار الترحيل من قبل، ولكن باقي ما تنفذش عليه بحكم ما عندوش سكن قار.

وعلى الواقعة قالت القاضية للبوليس، إن الحراك الجزائري حاول يعتدي على جوج عيالات قدام المحكمة وهددهم بالاغتصاب، ومني تدخلات خلاهم وهجم عليها هي، وقطع عليها حوايجها وكيقول ليها غادي نغتصبك.

وفي الوقت لي حاولات القاضية دافع على راسها وفشلات، دخلو جوج رجالة كانو دايزين في الشارع، وهوما لي فكوها وقدموه للبوليس لي فتحو معاه تحقيق واتهموه بمحاولة اغتصاب.