الرئيسية > تبركيك > قطع رجليه ولكن البوليس عاقو بيه.. ميريكاني بغا ينصب على لاسورانس بطريقة مطيحش على البال
28/02/2024 01:00 تبركيك

قطع رجليه ولكن البوليس عاقو بيه.. ميريكاني بغا ينصب على لاسورانس بطريقة مطيحش على البال

قطع رجليه ولكن البوليس عاقو بيه.. ميريكاني بغا ينصب على لاسورانس بطريقة مطيحش على البال

وكالات//

قرر واحد الميريكاني يدير واحد الحيلة مطيحش فالبال دالإنسان العادي باش يستافد من التأمين ديال العجز، ولكن النهاية ديالو كانت مأساوية بكل ما في الكلمة من معنى.

وعلى حساب ما نقلات بزاف ديال التقارير الصحفية الميريكانية، فهاد السيد لي عايش في مقاطعة هاول، ولي عندو 60 عام ف عمرو، وكيعاني من الشلل، اتافق مع واحد الرجل آخر باش يقطع ليه رجليه.

وهاد شي فعلا لي دار، ومن بعد عيط للبوليس وقاليه راه هجم عليا حلوف فالغابة وقطع ليا رجليا.

ولكن البوليس شكو، حينت الطريقة باش تقطعات الرجل ماشي ديال الحلوف، وبعد التحقيقات بان ليهم الراجل غير كيكذب.

وفالأخير ما هو خدا تأمين على العجز ما هو بقا برجليه.

موضوعات أخرى

22/04/2024 07:00

قاضي التحقيق بابتدائية سطات هبط موظف سجن عين علي مومن الحبس وها التهم للي توجهات ليه