الرئيسية > كود-تيفي > قطعوه طراف قالك باش يوليو مزهارين فحياتهم.. المؤبد لـ5 مجرمين قتلو دري ألبينوس – فيديوهات
30/06/2022 00:00 كود-تيفي

قطعوه طراف قالك باش يوليو مزهارين فحياتهم.. المؤبد لـ5 مجرمين قتلو دري ألبينوس – فيديوهات

قطعوه طراف قالك باش يوليو مزهارين فحياتهم.. المؤبد لـ5 مجرمين قتلو دري ألبينوس – فيديوهات

وكالات //

كَروب فيه 5 أشخاص قتلو شاب عندو 22 عام وقطعوه طراف باش يستخدمو الجسد ديالو فالشعوذة ويديرو طقوس خاصة باش يولي عندهم الزهر فحياتهم!

المصيبة أن من بين هاد الـ5 دالمجرمين كاين خو الدري المقتول اللي ساهم فالجريمة بكل وحشية وماحس لا بذنب ولا والو.

الجريمة كانت وقعات فدولة مالاوي عام 2018، ومن غير 5 اللي ضربوهم بالمؤبد، تحكم أيضا على 3 آخرين منهم قس كاثوليكي وعطار وضابط فالبوليس، بالحبس لمدة 30 عاما حيت شاركو فعملية بيع اطراف من جسد الضحية، اللي سميتو “Macdonald Masumbuka”.

ومعروف أن قتل الأشخاص الألبينوس (المصابين بالمهق) فمالاوي، بحال عدد كثير من البلدان الأخرى خصوصا فإفريقيا، مرتبط بطقوس السحر وبزاف الناس كيظنو أن أجزاء من جسد شخص ألبينوس كتجيب الزهر.

ومن غير أن الألبينوس مهددين ديما بالقتل كيبقاو أصلا مضطهدين ومحكَورين وغير مرغوب فيهم  فبلدانهم وحتى وسط عائلاتهم فغالب الأحيان، كيعيشو الويل فحياتهم مع استمرار الإيمان بالكثير من الخرايف وسط مجتمعاتهم.

موضوعات أخرى

15/08/2022 09:00

الدولة كتعطي للصحافة الدعم ولخبار لصحابهم ف”جون افريك”. كيفاش سربو ليهم التعديل الحكومي وبالاسم وقبل خبار مرض ام الملك. هاداك الدعم زيدوه فيكم ايلى كنتو ما تايقين فصحفكم

15/08/2022 08:00

“كود” قالت ليكم مافيدوش. وفينك يا بوريطة يا مول لمقص. علاش باش فرانسا كتهين لمغاربة سرطي لسانك وباش كولومبيا عتارفات بالبوليساريو ضربتي الطم

15/08/2022 07:00

تقرير للباروميتر العربي بجامعة “برينستون” الأمريكية : 34 ف المائة من المغاربة باغيين يخويو البلاد والأغلبية لأسباب اقتصادية