وكالات//

كشف النجم ليام نيسون، على واحد من الأسرار الخايبين من حياتو، ولي أثرات على عائليتو.

وقال نيسون، نجم فيلم “تايكن” المشهور، في حوار ليه مع مجلة “بيبول” الميريكانية، إنه كان مبلي بالشراب لمدة طويلة.

وقال انه قرر يقطع الشراي من عام 2013، بعدما كان مبلي بيه لأكثر من 20 عام.

وصرح ليام نيسون انه مكنش سكايري خايب، ولكن كان كيشرب بزاف، ولي خلاه يقطع هما ولادو بجوج، وقال انه كان كيحس انه مكيعطيهمش القدوة والمثال المزيان.

المؤثر في القصة ديالو مع الشراب، أنه قال انه زاد كيشرب اكثر بعدما ماتت مراتو عام 2009 فحادثة ديال التزلج.

وعلن ليام نيسون انه غادي يعتازل التمثيل رسميا، نهاية العام الجاي، بعد مسيرة حافلة دار فيها بزاف ديال الأعمال الواعرين.