كود – وكالات //

أكد  الناطق الرسمي باسم الخارجية القطرية هاد الصباح أن قطر ما توصّلات حتى بإشعار مسبق من طرف إيران بخصوص الهجمات الصاروخية وقال  باللي الاستهداف ما كانش غير ضد منشآت عسكرية، ولكن فجميع البلايص د البلاد .

وضح الناطق باسم الخارجية القطرية  بلي تم توجيه إنذار لجوج طيارات مقاتلة إيرانـيات قبل ما يتم تطياحهم، وزاد باللي دابا كاين التقلاب الطواقم ديالهم، وزاد الناطق أن كاينين محاولات باش يتم الاعتداء على مطار حمد الدولي، ولكن تم إفشالهم كاملين.

من جهة أخرى، علن الجيش الإسرائيلي باي ضرب مقر  الرئاسة الإيرانية ومبنى مجلس الأمن القومي فـ طهران ،البيان ديال الجيش قال ليه : “القوات الجوية الإسرائيلية دارت غارات ودمرات منشآت وسط مجمع قيادة النظام  الإيراني فقلب طهران”

من ناحية أخرى، إيران حذرات الدول الأوروبية من المشاركة الحرب  مع إسرائيل ومريكان ، بعد ما قالت ألمانيا وبريطانيا وفرنسا أنها تقدر دير  إجراءات دفاعية باش دمر  قدرات إيران على إطلاق الصواريخ، المتحدث باسم الخارجية، إسماعيل بقائي، قال: “أي عمل من هاد النوع ضد إيران غيكون عمل حربي، وأي دولة تشارك فهذ الشي غتعتبر متواطئة مع المعتدين”.

الوضع دابا كيتصاعد وكل طرف كيهدد الآخر، والمنطقة كاملة حاضية اش غا يوقع .