ايوب جبير كود///

قررات محكمة الاستئناف فكازا إدخال الملف ديال رضى البوزيدي، اللي معروف بـ”ولد الشينوية”، والمتهمة فاطمة بنت عباس للمداولة، باش يصدر الحكم النهائي فـ17 مارس.

فوقت سابق، المحكمة الزجرية ديال عين السبع كانت حكمات عليه بـ3 سنين ديال الحبس النافذ، وعلى فاطمة بنت عباس بسنتين ونص ديال الحبس النافذ، فحكم اللي تْصدر فـ10 دجنبر 2024.

المفروض كان الحكم الاستئنافي يتقال فـ3 مارس، ولكن بسبب وفاة واحد من القضاة فـهيئة الحكم، تقرّر إخراج الملف من المداولة وتأجيل الجلسة لـ10 مارس باش يكملو المناقشة. دابا، بعدما دارو الجلسة، قررات المحكمة تدخل الملف للمداولة مرة أخرى، وحدّدات 17 مارس كتاريخ نهائي للنطق بالحكم.

الجلسة ديال الاستئناف كانت حاسمة، حيث المحامين ديال الطرفين دارو دفوعاتهم، والمحكمة خذات الوقت الكافي باش تْشوف التفاصيل قبل ما تصدر القرار النهائي. دابا، كلشي كيتسنى شنو غادي يكون الحكم اللي غادي يْصدر فهاد القضية اللي خْدات اهتمام كبير عند الرأي العام