سامي العلوي / كود كازا //

القضاء بسطات صدر البارح حكما في قضية الرضيع المقتول فكلينيك الزيتون بسطات ،حيت حكمت المحكمة تعويض لصالح الزوجة (ام الرضيع) مبلغ 20 مليون سنتيم ، كما حكمت لصالح الزوج (اب الرضيع) تعويض ديال 15 مليون سنتيم و بإحلال شركة التامين التعويض المحكوم به ، مع الفوائد القانونية ابتدأ من صدور الحكم ، وتحميل شركة التامين الصائر ، مع رفض جميع الطلبات ،

تفاصيل هذ القضية تتعود ، حينما قصد الزوجة مصحة الزيتون بمدينة سطات من اجل الولادة ، حيت توفى الجنينة في ظروف غامضة ، بعدها جا الاب وطلب الرابور الطبي باش عرف سبب الوفاة ، لكن ادارة المصحة وضربات عليه الطم وخلات والدين مكلومين ومهمومين.

وتوجه أب الطفل بمفوض قضائي باش ياخذ التقرير الطبي يعرف اسباب الوفاة رفضات وحدة سميتها دليلة تعطيه الرابور.
الاكثر من هذا بقاو تيدخلو ويخرجو عليه بالهضر حول شكون اللي ولد المرا وبقاو كيدورو فجوج سميات او مبغاش أسلموه التقرير .

هاد السلوك المثير للريبة من طرف إدارة المصحة خلا العائلة كتشك أكثر فظروف الوفاة، وخلّى الأب متشبّت بالمساطر القانونية، مصمم يعرف شنو وقع بالضبط لولدو، خاصة وأن إدارة المصحة كتستمر فالتعتيم وما بغاوش يوضحوا الحقيقة.

بعدها قدم الاب الرضيع بشكاية رسمية للجهات القضائية وبعد تم اجراء بحث فالقضية او حكمت المحكمة باجراء خبرة ، وبناءا على الخبرة صدرت المحكمة هذا الحكم ديال التعويض