الرئيسية > آش واقع > قضية نحيلة: الممثل تنازل على متابعة مول الباج اللي حط فيديو ليه مع صوفيا طالوني بغرض التشهير.. والأخيرة اعتذرات
28/05/2020 14:40 آش واقع

قضية نحيلة: الممثل تنازل على متابعة مول الباج اللي حط فيديو ليه مع صوفيا طالوني بغرض التشهير.. والأخيرة اعتذرات

قضية نحيلة: الممثل تنازل على متابعة مول الباج اللي حط فيديو ليه مع صوفيا طالوني بغرض التشهير.. والأخيرة اعتذرات

عفراء علوي محمدي- كود//

تنازل الممثل الشاب عبد اللطيف نحيلة على الدعوى ديالو القضائية ضد (ي.ك)، مول الباج اللي حط مقتطف من فيديو ليه مع المتحولة صوفيا طالوني، بغرض السب ديالو والتشهير بيه، وبهذشي تم إطلاق سراحو على الفور، بعد جلسة لبا ح الأربعاء 27 ماي.

وقال نحيلة، فتصريحو ل”كود”، أنه بعد نقاش طويل مع هيئة الدفاع الخاصة بيه والمنظمات الحقوقية الوطنية والدولية وبعض المتدخلين، و نظرا للحالة العائلية للمدان واحتراما لكلبو اللي بقا بوحدو، قرر يتنازل على متابعتو مقابل اعتذار وتعويض بدرهم رمزي.

صوفيا طالوني بدورها حتى هي قدمات اعتذارها لنحيلة، فاتصالها هاتفيا بيه هذ الأيام، على قبل اللايف اللي كانت دارت معاه، بحيت قالتلو أنها ماكانتش عندها نية التشهير بيه أو الإساءة ليه، وأنها “كانت فرحانة تطلع معاه لايف باش يناقشو مواضيع معينة بكل أدب واحترام”، مكف عبرات على تأسفها من اقتطاع جزء من اللايف بغرض التشهير بنحيلة، ونشرو على مواقع التواصل الاجتماعي.

قضية التشهير بنحيلة تسدات، لكن الممثل الشاب، المنحدر من مدينة سيدي قاسم، مازال كتنتاظرو متاعب جديدة متعلقة بقضية اتهامو بخرق حالة الطوارئ الصحية وإهانة موظف، بعدما كان جا تقدم بشكاية للبوليس ضد مول الباج اللي نشر الفيديو ديالو.

قضية متابعة نحيلة بهذ التهم كتب عليها الإعلام الوطني والدولي، وحركات مجموعة من المنظمات والجمعيات اللي علنات تضامنها المطلق مع نحيلة.

موضوعات أخرى

11/07/2020 14:00

كيفاش الدولة المغربية كدعم شركة باطرونها اماراتي وهابي ومخلية شركتنا الوطنية . واش “لارام” غادية تتخلى على 20 طيارة وباش جات لوجيبة دور الصرف دخلات معاها الحكومة “العربية”

11/07/2020 11:30

السدان مع الثمنية لي تفرض بعد تفجر بؤرة معامل تصبير الحوت زاد كرفص قهاوي آسفي.. وحريفي لـ”كود”: خاص التسريع بمراجعة هاد القرار لي ضر مهنيي القطاع فالمدينة بزاف