الرئيسية > آش واقع > قضية “مول الكاسكيطة” دخلات للمداولة واستئنافية سطات غاتصدر حكمها النهائي عليه ف18 فهذ الشهر
11/02/2020 13:10 آش واقع

قضية “مول الكاسكيطة” دخلات للمداولة واستئنافية سطات غاتصدر حكمها النهائي عليه ف18 فهذ الشهر

قضية “مول الكاسكيطة” دخلات للمداولة واستئنافية سطات غاتصدر حكمها النهائي عليه ف18 فهذ الشهر

عفراء علوي محمدي- كود//

دخلات محكمة الاستئناف بسطات، اليوم الثلاثاء، قضية محمد السكاكي المعروف ب”مول الكاسكيطة”، للمداولة، وحددات جلسة 18 فبراير الحالي كجلسة أخيرة من أجل النطق النهائي بالحكم الاستئنافي فحقو.

وكتابع استئنافية سطات السكاكي بجنح سب الأفراد والإخلال العلني بالحياء بالبذاءة في الإشارات والأفعال، وإهانة المؤسسات الدستورية وحيازة المخدرات.

وكانت المحكمة الابتدائية بسطات أدانت “مول الكاسكيطة” ب4 سنين ديال السجن النافذ، وغرامة قدرها 40 ألف درهم.

وكان “مول الكاسكيطة” تشد من بعد ما نشر فيديو كيسب فيه المغاربة وكيمس بالمقدسات والمؤسسات الدستورية، وهذشي بعدما توصلات النيابة العامة بشكايات تقدمات بيها جمعيات المجتمع المدني ضدو، على اعتبار ان العبارات اللي قال فالفيديو ماعندهاش علاقة بحرية التعبير، وكتشكل جرائم يعاقبل عليها القانون.

وتطاول “مول الكاسكيطة” فالفيديو على المؤسسة الملكية، ووصف المغاربة ب”الحمير”، وهذشي اللي نوض عليه ضجة كبيرة بزاف، وخلاه من بعد يمسح الفيديو من القناة ديالو.

وللإشارة، فهذي ماشي أول مرة تتم متابعة مول الكاسكيطة فيها، حيت سبقليه كان دوز 8 شهور ديال الحبس بسبب إدانتو بتهم إهانة موظف والتشهير والدعوة لتنظيم تظاهرة غير مرخصة.

موضوعات أخرى

23/02/2020 13:00

زلزال مدوي فمراكش. انتحار قاضي رجع للواجهة وشبهات حول أن “حمزة من بيبي” عندو علاقة بالقضية . ورئاسة النيابة العامة خدات هاد الخطوة لكشف الحقيقة

23/02/2020 12:30

على هامش مسيرة اليوم.. البراهمة وغالي والإدريسي فتصريحات لـ”كود”: كنطالبو بتسريح المعتقلين وضمان حقوق المواطنين فالصحة والتشغيل والتعليم

23/02/2020 11:00

إيفوارية حطات فيديو كتعاود فيه قصتها ومعاناتها مع التحرش في المغرب..والتعاليق ديال المغاربة كانت متخلفة وعنصرية: رجعي لبلادك اعزية لخانزة

23/02/2020 09:30

لوزيعة فمكتب التراكتور السياسي تقدر تفجرو. شي وحدين رجعو ريوسهم قياديين: حذفو سمياتنا ووهبي يرد: راني مازال مادرت والو