الرئيسية > آش واقع > قضية منع بكوري من السفر. مقرب منو ل”كود”: الحدث الوحيد اللي متأكد هو المنع من السفر والباقي حتى واحد ما عارف شي حاجة 
31/03/2021 15:08 آش واقع

قضية منع بكوري من السفر. مقرب منو ل”كود”: الحدث الوحيد اللي متأكد هو المنع من السفر والباقي حتى واحد ما عارف شي حاجة 

قضية منع بكوري من السفر. مقرب منو ل”كود”: الحدث الوحيد اللي متأكد هو المنع من السفر والباقي حتى واحد ما عارف شي حاجة 

كود اسماء غربي ///

زلزال كبير وقع فالبلاد. قضية منع مصطفى بكوري٬ رئيس مجلس ادارة الوكالة المغربية للطاقات المتجددة “مازن” من السفر الى دبي الاماراتية الاثنين اللي فات.  دابا دازت 48 ساعة ومازال ما خرج حتى بيان. وكأن الامر كيتعلق بقضية عادية. ماشي بزعيم حزبي سابق ورئيس اكبر جهة اقتصادية فالمغرب وفوق هاد الشي رئيس مجلس ادارة “مازن”. 

كلشي تالف. حتى حد ما عارف والو والو. هادي 48 ساعة غادية تكون دازت بحال شي قرن على بكوري وعلى عائلتو. راه تعذيب كبير. القضاء عندو مسؤولية اليوم. خاص النيابة العامة تخرج ببيان. خاصها توضح. 

وفق مصادر متطابقة ل”كود” فان بكوري باش منعوه الاثنين ما خبروه بوالو. ما قالوش ليه علاش. هاد الشي ماشي عادي فبلد الحق والقانون. 

مصدر مقرب من بكوري ل”كود” اكد باللي الحدث الوحيد اللي واضح هو منعو من السفر اما الباقي فلا هو ولا حزبو ولا صحابو ولا عائلتو ولا معارفو عارفين السبب. 

كيفاش ما يعرف حد السبب والقضية وصلات حتى يخرجو شبهة التخابر مع دولة اجنبية فاشارة الى المانيا.

فوق هاد الشي السيد مازال مريض وبزاف تبعات اصابتو بكورونا. دابا ما راعاو لوالو: لا لمسؤول كبير فمؤسسة حيوية. لا لتاريخو لا للبلاد لا حتى شي حاجة. كان شي ملف يتقدم للعدالة ويخرج بيان وسدات مادام

موضوعات أخرى

17/04/2021 21:00

رمضان وكونفينمون (الحلقة 3).. محمد الشوبي فحوار مع “كود”: الاحتجاج على التراويح مزايدة ونقاش سطحي والرسول وكان كيصلي فدارو.. وفالستينات كانو الناس كياكلو رمضان وماكيتسوق ليهم حد