كود – طنجة ////

قدمات الشرطة القضائية فطنجة، اليوم الاثنين، أمام وكيل الملك داك المغني مول “أنا نسكر وننسى” اللي ناضت لهضرة عليه بزاف بسبب الأغنية اللي دارها وتفاعلو معاه بزاف ديال طنجاوة.

وكيل الملك، حسب مصادر “كود”، قرر باش يتابع هاد المغني بعد استنطاقه في حالة سراح مؤقت بكفالة مالية قدرها 5000 درهم. وخا هاد لي كان خاصو يتابع هو شكون خلاه يعني انهار العيد (بلا رخصة) وخاص محاسبة السلطة على هاد العبث ماشي هاد المغني الشاب لي ف التالي لقاو راسو مجبر باش يقدم اعتذار.

النيابة العامة وجهات لهاد المغني تهم “تحريض القاصرين على السكر أو نشر الفجور أو التشجيع على البغاء، وتحريض قاصرين دون سن الثامنة عشرة على البغاء أو الدعارة، أو التشجيع عليها أو تسهيلها”.

وحسب مصادرنا، فإن وكيل الملك أحال المغني على غرفة الجنح العادية بالمحكمة الابتدائية باش نبدأ تحتكمو بالتهم اللي سطرات فحقو نهاية شهر أبريل الجاري.