نجوى المالحي-كود//

صالح الجاسمي خو المغني الإماراتي حسين الجاسمي مازال مقصح راسو ومابغاش يتنازل للمغربية مريم حسين على القضية لي رفع عليها في المحكمة ولي حكمات ضدها بالحبس شهر وتخوي من بعدها دبي والامارات.

صالح لي كيقدم راسو كإعلامي رفض في برنامج “إي تي بالعربي” البارح الخميس يتنازل وقال أنها عيراتو ووصفاتو ب”الخروف الشايب” وماخلات فيه غير لي نسات في سناب شات، وداكشي علاش مغاديش يتفاك معاها واخا عندها بنتها صغيرة محتاجاها.

https://www.instagram.com/tv/B79FmUCnnhr/?igshid=1j2icp7h4o8ez

من جهتها حطات مريم بوسط في سناب كتناشد فيه الملك محمد السادس وأمراء الامارات والفنانين باش يساندوها. هادي اصلا ولات موضة، اي واحد وقع ليه مشكل شخصي يطلب تدخل الملك.

مريم كانت ديما كتساب هي وصالح، ودابا اعتذرت ليه علنا وطلباتو باش يسد الموضوع ويتصالحو لكن هو رافض الموضوع قطعا.