الرئيسية > آراء > قضية فاطمة الوادزامية لي ضربها القضاء بعامين ديال الحبس بسباب ازدراء الاديان مخصهاش تدوز هكاك خاص خلق نقاش وطني فهاد الشي
16/08/2022 20:00 آراء

قضية فاطمة الوادزامية لي ضربها القضاء بعامين ديال الحبس بسباب ازدراء الاديان مخصهاش تدوز هكاك خاص خلق نقاش وطني فهاد الشي

قضية فاطمة الوادزامية لي ضربها القضاء بعامين ديال الحبس بسباب ازدراء الاديان مخصهاش تدوز هكاك خاص خلق نقاش وطني فهاد الشي

سعيد الشاوي -كود كازا //

من بعد ما ضربات غرفة الجنحي التلبسي بالمحكمة الابتدائية ديال واد زم فاطمة كريم بعامين ديال الحبس والضجة المثارة على مواقع التواصل الاجتماعي واخا غير فاقليم خريبگة خصها تخلق نقاش وطني كبير فهاد الاتجاه.

حيت ميمكنش القضاء ميطورش من راسو حقوقياً وميمكنش ميكونش كيشوف فين وصلات الأمور بين المغرب واسرائيل وحجم التطبيع والتعاون بين البلدين باش تجي تحكم على وحدة لانها كانت مسلمة ودابا قلبات الدين ديالها وبغات تكون لادينية مع ميول للديانة اليهودية، حيت  ذاك الشي شغلها، فراه ميمكنش نحجرو على الناس ففايسبوك ونديرو عليهم مراقبة فالوقت لي خص البرلمان والاعلام والمجتمع المدني والاحزاب السياسية والحكومة يخلقو نقاش فهاد الموضوع .

في هذا السياق بان نقاش عمومي مطروح على مواقع التواصل الاجتماعي لي طالب باش يكون اطلاح في القانون الجنائي وخاصة بعض الفصول منها الفصل 267 ، لي تحكمات به فاطمة ، وحنا دبا مقبلين على تعديل قانون المسطرة الجنائية.

موضوعات أخرى