الرئيسية > آش واقع > قضية عدنان بوشوف: المحكمة أجلات النظر فالملف.. والدفاع كيطالب بمحاكمة المتهمين حضوريا
01/12/2020 16:20 آش واقع

قضية عدنان بوشوف: المحكمة أجلات النظر فالملف.. والدفاع كيطالب بمحاكمة المتهمين حضوريا

قضية عدنان بوشوف: المحكمة أجلات النظر فالملف.. والدفاع كيطالب بمحاكمة المتهمين حضوريا

كود- كازا //

قررات غرفة الجنايات الابتدائية لدى محكمة الاستئناف بطنجة، اليوم الثلاثاء، تأجيل النظر فقضية اغتصاب و قتل الطفل عدنان بوشوف، حتى ل15 فالشهر الحالي.

والتأجيل جا من بعد ما طلبو هيئة دفاع الحق المدني بإحضار المتهمين المتورطين فالقضية، وبالتالي يتحاكمو حضوريا، وهو الطلب اللي استمر الدفاع يطالب بيه حتى فالجلسات اللي سبقو.

ووجهات المحكمة للظنين الرئيسي تهم “القتل العمد مع سبق الإصرار والترصد الذي سبقته جناية التغرير بقاصر يقل سنه عن 12 سنة و استدراجه واحتجازه وهتك عرضه بالعنف والاحتجاز المقرون بطلب فدية والتمثيل بجثة وإخفائها و تلويثها ودفنها خفية”، بينما وجهات للثلاثة لخرين تهمة “عدم التبليغ عن وقوع جناية رغم العلم بذلك”.

وكان الرأي العام المغربي تهز، هذي اسابيع، بعد وقوع جريمة بشعة راح ضحيتها الطفل عدنان، اللي تم استدراجو لشقة واغتصابو وقتلو، ثم الدفن ديالو غير قريب من دارهم فمكان خالي.

و هذشي وقع فالوقت اللي كانو واليدين عدنان غيحماقو بالتقلاب عليه لاسابيع، و معاهم البوليس والنشطاء على مواقع التواصل الاجتماعي اللي تداولو صورة عدنان على نطاق واسع، بالإضافة لمقطع فيديو لكاميرات مراقبة صوراتو مع شخص غريب، و اللي طلع هو المتهم الرئيسي نفسو فهذ القضية.

موضوعات أخرى